قصيدة: "يا امحمد نختير انوصيك" لصاحبها ولد الهدار

ما نكدر يكون انوصيك *** واسمع لوصايه يامحمد

لاتستهون ش شين اعليك *** وافطن لخبار الا ترتد

لاترض يمحمد مقام *** صغير ولا تجهل لحكام

واكرا لحكام على تسكام *** والى عت امجمع فبلد

لاتعتاب وكلل لكلام *** واحذر لاتكعد فوجه حد

والى عت ابجاهك هنيه *** وانعت كاع انك مانك بيه

والى عت ابعلمك واسيه *** يمحمد للواحد الاحد

سرك يامحمد لاتعطيه *** للي ماه مفلوش اعليه

ول من حد ابغاك ابغيه *** اسو كرب واسو بعد

واصل العار اتفو بيه اخطيه *** العار اخبارو ما تشتد

وامنين اتواسيه الخاطيه *** امركت اخبارك يمحمد

جمع امجمع كبلك جوليه *** ارجع نختيرك تتحيد

كون الى عت امنين اتجيه *** اعود امن اخيام اهل احمد

لا تتواضع لاهل التطراك *** فى المال اتواضع للخلاك

اكبرت انت مانك مشتاك *** الـحـمـد لله اتـفــكـد

واعط واخلاكك لاتظياك *** واعكد فمنين اسو تعكد

جهل اللغة يمحمد شين *** وجهل النحو الا ماهو زين

واكرا لحكام وفرض العين *** واللي يمحمد ما وحد

ذاك الخير اعود ابلا دين *** واحذرلا تطرح يمحمد

عن ذاكامل ماهو هيين *** هذا هيين الى را حد